199Four – Notre Dame of Greater Manila

IPINARATING sa amin ng reader na Junior ng Stroke On Tent, England ang balita na napanood niya ang semi-finals night ng Britain’s Got Talent at sa kasamaang-palad, hindi nakapasa ang Filipina singer na si Madonna Decena.

Hindi man siya nakasali sa finals na ginanap noong Sabado (May 31), ipinagmamalaki pa rin si Madonna ng ating mga kababayan na sumusubaybay sa Britain’s Got Talent.

Para sa mga Pilipino sa United Kingdom, malaking karangalan at achievement para sa isang Pilipino na tulad ni Madonna ang maging contestant sa pinakasikat na talent show sa England.

***

Negative ang mga comment tungkol sa interview kay Madonna sa Britain’s Got Talent dahil inakusahan siya na ginagamit ang malungkot na kuwento ng kanyang buhay at kahirapan para makuha ang simpatiya ng voters.

Parang nahulaan ni Madonna ang magiging opinyon ng mga tao dahil sa VTR interview sa kanya, ito ang mga sinabi niya:

“I was quite worried because people might think I’m begging for sympathy for the judges to let me in but not all the people in Britain would know how it is to live in the Philippines.

“It’s really hard even with the college degree, you cannot survive which is like one job, having to support your parents and your brothers is another story so I have to make a sacrifice.

“If I get a better career I know I will get a better life for them. Winning this competition would mean the whole world to me because that means I’m gonna be with my kids. Being with my kids is world to me.”

Ang The Greatest Love of All ni Whitney Houston ang kinanta ni Madonna sa semi-finals ng Britain’s Got Talent.

Sina Piers Morgan, Amanda Holden at Simon Cowell ang judges ng show.

Sa kanilang tatlo, bull’s eye ang evaluation ni Simon sa performance ni Madonna na nag-ala Imelda Papin dahil umiyak siya habang kumakanta at habang iniinterbyu ng mga host ng programa.

Ani Simon, “Madonna, I love you. I absolutely love your story but unfortunately, your voice and that performance, in my opinion is not good enough to win Britain’s Got Talent.

“It’s not Britain’s Saddest Story. It is Britain’s Got Talent and I would be patronizing you if I was to say that was an incredible vocal performance because it wasn’t!”